《真情》「阿家」黎宣離世享年93歲　「阿海」黃智賢憶拍攝點滴

《真情》「阿家」黎宣離世享年93歲　「阿海」黃智賢憶拍攝點滴在經典長劇《真情》飾演「阿家」的資深演員黎宣離世，享年93歲。前藝人杜兆津（杜少津）日前在社交網分享與黎宣聚會的相片並說：「願師母黎宣一路走好！」其後黎宣女兒向傳媒證實，黎宣已於8月28日凌晨3時21分與世長辭。黎宣出身自演藝世家，父親是「香港電影之父」黎民偉，堂姐為已故粵語片演員黎灼灼。另外，其姐夫沈昌煥曾任中華民國駐美大使、外交部長及總統府秘書長。黎宣早於50年代已活躍影壇，晚年加入TVB拍過《大時代》、《真情》等多部經典劇集，於2010年拍完《Only You 只有您》便淡出娛樂圈，跟老公高宏享受人生。黎宣於《真情》飾演「阿家」深入民心。享年93歲。令人惋惜。與黎宣在《真情》合作無間的「阿海」黃智賢接受東網訪問說：「睇番舊相回憶返晒嚟，記得宣姨同蝦叔（關海山）喺真情係活寶貝，嗰陣拍《真情》真係見佢哋多過見屋企人。好難過，又少咗一個值得尊敬嘅前輩。」他又說：』宣姨好好人、好認真、好專業、好關心人……都冇計年紀大。完咗《真情》後有同佢老公飲茶，嗰時佢行動仲係好方便，之後佢有老人退化問題，大家就錯失再欣賞佢嘅機會，好可惜！」黃智賢表示拍《真情》見「阿家」多過見屋企人。薛家燕對於黎宣離世感到難過，她表示：「今日接到宣姨離開嘅消息，當然好難過，好唔捨得佢，因為我復出第一套劇《真情》，佢就做我阿媽，大家一齊合作咗起碼4、5年，日日開工，好似一家人咁，啱啱復出佢好照顧我，有咩唔識佢都會提我。特別好欣賞佢嘅演技，尤其係一啲煽情戲，佢一埋位就七情上面，同佢做對手好好，《真情》咁愛歡迎，除咗叉燒炳、善姨、阿家呢個角色都影響好大。拍完《真情》之後大家都好唔捨得都有約食飯，但近年真係各有各忙，所以都冇乜見面，先排聽講佢身體唔係咁好，都有托人問候佢，真係好難過，但係都冇辦法。」薛家燕感到相當難過。黃智賢感到不捨。