【明報即時】俠醫｜譚凱琪演自閉症角色 自我懷疑唔識演戲：好大壓力Zoie當初接到這個重任時，曾擔心未能拿捏。（無綫提供圖片）由陳豪、張曦雯、馬貫東、丁子朗、劉佩玥、譚凱琪、馮皓揚、郭柏妍、游嘉欣、鄭子誠等合演的新劇《俠醫》，明晚（9月1日）翡翠台播映。為了突顯故事主角凌為民（陳豪飾）濟世為懷的心及高明專業的醫術，《俠醫》出現不少特別患者，包括譚凱琪（Zoie）演患有自閉症的羅穎茵，及游嘉欣（游游）演患有腦癱的輪椅少女周靜芝。Zoie所演的自閉症患者，不但長期要以特別模式說話，很多時候講話都不會望人，為人又有很多堅持和執著，衣著打扮又特別古怪和鮮明。Zoie當初接到這個重任時，曾擔心未能拿捏：「未開始前好大壓力，好似做落唔係好似，太over又驚太誇張，太冇嘢又驚突顯唔到個角色，嗰時覺得好有挫敗感，直頭懷疑自己係咪真係唔識演戲，好似所有嘢都要重新嚟過，唔識點做。」演腦癱少女的游游，在劇中除了左手活動能力有所限制，還要全程坐在輪椅上做戲。游游坦言這正是角色最大難度之處，而她花最長時間克服的，是角色代步的電動輪椅：「我係第一次演行動不便嘅人，個角色因為腦癱影響左手活動，變相肢體動作演出嚟，要好受限制咁，同埋因為我要控制電動輪椅，一開頭我係周圍撞嚟撞去，真係人人見到我都驚，但好彩後尾日子有功，我就變咗做車手。」游游續指除了輪椅速度，要保持跟人行的速度差不多是難處外，要急停輪椅更是難上加難：「有場我要揸住電動輪椅，好快咁駛到去一個位停低，再有啲感情戲要做；但因為個電動輪椅一快就好難停，同埋停嗰個位又要準確，又要帶住感情去演戲，都幾大挑戰，但都幫助我成長咗好多。平時見人用電動輪椅活動好自如，但原來電動輪椅係會煞唔切制，你停時佢仲會有少少向前嘅衝力，你要佢好有準確咁停低，除非係慢駛，或者有啲竅妙，我都揸咗幾次先發現個竅妙。」（即時娛樂）
【明報即時】俠醫｜譚凱琪演自閉症角色 自我懷疑唔識演戲：好大壓力
