陳山聰帶林盛斌馬拉食好嘢　疑被直髮公司AI聲線做旁白

陳山聰帶林盛斌馬拉食好嘢　疑被直髮公司AI聲線做旁白藝人陳山聰與林盛斌（Bob）近日忙於在馬來西亞拍攝賀歲片，日對夜對感情更見深厚，除片場外兩人收工更會結伴「搵食」。Bob昨日便於社交平台上載與山聰與車廂內的有趣合照，留言感激山聰帶他四出「食好西」，他寫道﹕「咁多年去馬來西亞做嘢，喺飲食方面我真係好求其，肚餓嘅話有時會喺酒店叫Room Service，或者叫助手落去附近買啲炒粉麵飯，豬雜粉嗰啲就算。今次拍大馬賀歲片，日日都同佢一齊，晚晚收工佢都會搵到唔同嘅朋友食飯叫埋我去，只係短短個幾禮拜，我諗我最少肥咗半個碼。『馬拉王子』呢個朵，條友真係唔係浪得虛名！」林盛斌（左）今次有陳山聰帶佢喺馬來西亞食米芝蓮。Bob受訪時再透露﹕「山聰好識食㗎，喺馬來西亞都識得帶我去食米芝蓮日本串燒，最犀利係畀佢搵到半個人咁大條嘅魚同超重藥材嘅肉骨茶，所以今次我真係好有口福。」不過由於工作關係，Bob今年未能為囝囝道申（JJ）慶祝生日，只能靠太太Pearl傳切蛋榚照給自己，遠距離感受當時氣氛，他無奈表回應﹕「只能同細佬講句，祝你生日快樂、開開心心﹗」另外，日前Bob由朋友口中得悉，最近有直髮公司廣告短片的旁白，聲音與他極度相似，他聽過亦覺得起碼有「八九成相似度」，然後再傳相關視頻「請教」超過20個朋友，全部人都話非常相似，故懷疑對方利用「AI新成」。Bob澄清：「我冇錄過呢個VO，我見到有唔少留言都話『點解把聲咁似Bob嘅？』、『阿Bob嚟㗎喎！』如果呢間直髪公司真係有個同事負責錄呢段音，我好想衷心同嗰位同事或者同佢哋個老闆講，係呀，你啱，把聲同我真係非常似…其實我係咪真係冇嘢可以做得到呢？有冇啲乜嘢可以保障吓我自己呢？」令他為之氣結及無奈。林盛斌指自己冇錄過直髮公司廣告旁白。今年林盛斌因工作關係，未能為仔仔慶祝生日。