楊千嬅杭州派月餅　預告明年當地開唱

楊千嬅杭州派月餅　預告明年當地開唱樂壇天后楊千嬅今年出道30周年，早前佢宣布時隔7年再度登上紅館，將於11月開始一連4晚舉行演唱會，但佢嘅巡演陸續有嚟，尋日（1日）佢就現身杭州一間汽車品牌總部派月餅，仲順勢預告明年將於當地開唱。楊千嬅現身汽車品牌總部派月餅，人氣不得了。今次楊千嬅嘅任務係派月餅。依舊一頭紫髮現身杭州嘅楊千嬅，笑容燦爛，露出標誌性酒窩，掃樓式分發月餅，提前祝大家中秋節快樂。當中大批員工湧去拎佢派嘅月餅，發現盒上有其親筆簽名，原來今次佢係同品牌合作，佢同老公丁子高一同現身，又走入新車入面沉浸式體驗，佢亦好識做大讚音響音效有Feel。唔少員工都將合照及當時情況放上網，大讚楊千嬅保養得宜，真人靚到暈，仲得佢帶挈可以準時收工，真係皆大觀喜。仲有幫大家簽名。楊千嬅被讚保養得宜。員工大爆因為楊千嬅，所以有得準時收工。