楊證樺再做良好市民　借腳護跌穿頭伯伯被讚有型

楊證樺再做良好市民　借腳護跌穿頭伯伯被讚有型TVB綠葉藝人楊證樺近年投資安全管理公司，榮升保安公司老闆，又同藝人太太沈可欣合作開設韓式培育寶石生意，瓣數多多嘅佢唔只有生意頭腦，佢仲係一位良好市民，繼上次被網友見證出手指揮交通後，今次佢仲保護跌穿頭嘅伯伯周全！有網友晒出一張一位伯伯跌坐街頭嘅相，留言指有位年長男子跌穿個頭，有女士上前幫伯伯止血，後面就見到楊證樺畀隻腳伯伯挨住，伯伯則用手按頭，似等待救護車到場。大批網友睇完即大讚楊證樺成日出手助人，今次Pose仲要好有型，協助救返條寶貴生命，祝願佢好人平安一世。唔少網友亦表示多次喺元朗撞到佢一家人，之前小朋友去做健康檢查，都見到佢兩公婆帶小朋友去，亦有佢小朋友同校車嘅同學仔家長留言，見證佢哋一家人貼地又有愛心。楊證樺近年最多人記得佢做演唱會保安阿頭。又同太太沈可欣搞寶石培育生意。今次楊證樺保護跌穿頭嘅伯伯周全，再被揭好人好事。