【明報即時】明星足球隊成立40周年 會歌終面世 阿倫感觸兼有弦外之音 阿倫和黃日華率明星足球隊到新城訪問，宣傳明星足球隊第一首會歌《完美拍檔》。（大會提供）譚詠麟（阿倫）、黃日華日前率領香港明星足球隊隊員包括趙浚承、林迪安、李雨陽、葉泓聲與及「老六兄弟」的衛志豪、張智軒、潘梓鋒、莫家淦、羅鈞滿，接受新城《「鋒」繼續吹》節目主持范振鋒（阿范）訪問，一行10人拉隊宣傳明星足球隊第一首會歌《完美拍檔》。阿倫表示今年為香港明星足球隊成立40周年，這些年來，到過不少地方慈善演出，但就發覺：「東南亞朋友以為《朋友》係我哋會歌，而內地就以為係《講不出再見》。40年喇，好需要有會歌。」阿范忍不住和應以前也以為《朋友》是會歌，唱了1年，才知原來是世界歌，今次終於等到會歌。《完美拍檔》由譚校長與黃日華共同監製，阿倫說：「暫時只有國語版，希望大家識得聽大家唱乜，仲有Rap，由其中一位負責守龍門，本身係製作人嘅內地隊員團隊作曲、填詞及編曲，好有現代氣息。」他感激說：「開心大家庭永遠都一條心，冇第二把聲！」大家聞言起哄笑指阿倫有弦外之音，暗示與阿倫因球隊而鬧不和的陳百祥（阿叻），在一片笑聲中，有人問阿倫：「想講咩呀？一次過講晒喇﹗」阿倫即轉移話題在林迪安（教頭）身上，指教頭入會38年，勁讚教頭來頭巴閉，在電影圈裏爭一口氣，為荷李活電影《蜘蛛俠2》等擔任武術指導，教頭也笑言：「冇人同你講，我喺日本有影迷會、歌迷會仲早過你咩？」阿倫笑著回應：「係呀，呢樣係真呀！佢喺日本發展早過我！可想而知日本歌迷好單純。」阿范問到對哪位隊員錄音時唱歌感覺最深刻？大家齊指黃日華，黃日華笑言：「我係主音歌手嘛，我錄時間最短，只係兩Take就搞掂。」阿倫接著笑指：「最快係佢，有4句，有幾十個字（歌詞）！」阿范問阿倫哪一位唱得最好？他讚大家都唱得好好，並指這首歌出世得好突然：「有一晚大家踢完波，食食下飯，傾偈話不如作首會歌，就咁成咗事！咁啱作曲嘅劉佳也在場，夤夜即做，第2朝已收到Demo，下午就喺香港錄音室錄歌。第一次聽Demo已好好聽，旋律輕快，有Rap又有新唱法。」林迪安感謝阿倫及華哥給予機會，更被阿倫重提當年曾在日本推出過日文單曲細碟。阿范問為何之後放棄歌唱事業？林迪安有感而發：「想分享下，勝利冲昏頭腦！（勝利過？）以為！『以為』都會輸，所以提醒大家，唔好以為自己勝利！當時太唔知道係幸福，最後真係流失咗！」（即時娛樂）
【明報即時】明星足球隊成立40周年 會歌終面世 阿倫感觸兼有弦外之音
