亚洲影視內容大獎｜無綫喜獲1金2銅　《今晚乜都拗》奪最佳清談節目金獎

亚洲影視內容大獎｜無綫喜獲1金2銅　《今晚乜都拗》奪最佳清談節目金獎「亞洲影視內容大獎 2025」（ContentAsia Awards 2025）昨晚（4日）假台北舉行頒獎典禮，共獲得7項提名的無綫電視最終奪得1金2銅佳績，當中《今晚乜都拗》更於「最佳清談節目」組別「奪金」，而《與天地對話》在「 最佳紀實娛樂節目」組別（亞洲特定市場）獲得銅獎，《新聞透視﹕詐騙園進化》則於「最佳時事節目」組別（亞洲區域/國際市場）同樣獲頒銅獎。《今晚乜都拗》奪最佳清談節目金獎。《今晚乜都拗》主持森美聞訊後十分高興，於社交網留言：「每一個嘉賓都出盡牙力，流埋牙血！你哋嘅牙尖嘴利攞獎啊！」他又特別感謝幕後同事、參與節目藝人及現場所有觀眾：「啲幕後同事好認真㗎，佢哋每條題目都會自己拗一次先，做完正方再做反方咁。我哋希望觀眾同屋企人睇時，兩代之間有唔同觀點嘅，可以就住呢啲無傷大雅嘅題目面對面溝通多啲、從而愈睇愈高興。」森美聞訊後十分高興。余文樂、姜皓文、林盛斌及蔡思貝於《與天地對話》內真誠對話。林盛斌及姜皓文對得獎大表興奮，林盛斌表示：「得獎梗係非常之開心啦，可以喺咁多個國家、咁多個類似嘅節目入面得到第3名。其實入咗5強已經當贏咗，攞到銅獎更加係好大嘅鼓勵同嘉許。要好多謝成個製作團隊，特別係監製出心出力去籌備呢個節目，希望下次有機會可以再參與咁大型嘅節目。」姜皓文回應：「我非常幸運，參加咗一個咁特別嘅節目，《與天地對話》係一個畀我哋同大自然、以及感性地同自己對話嘅一個好機會，在也門呢個特別嘅地方，認識到真正嘅自己，真係一次好難忘嘅感受。」《與天地對話》在「 最佳紀實娛樂節目」組別（亞洲特定市場）獲得銅獎。林盛斌指攞到銅獎更加係好大嘅鼓勵同嘉許。