俠醫｜丁子朗演活「衣冠禽獸」　強吻張曦雯鬧劉佩玥係雞

俠醫｜丁子朗演活「衣冠禽獸」　強吻張曦雯鬧劉佩玥係雞藝人丁子朗（丁丁）在無綫新劇《俠醫》中一改陽光男孩形象，首度挑戰大奸角，在昨晚（5日）播出一集中，他兩度向張曦雯霸王硬上弓，又鬧爆劉佩玥是「地產雞」，該場口更被網民捧為「名場面」，讚他演繹演衣冠禽獸入型入格，並笑言：「鄭子誠有接班人喇」。丁子朗騷肌。丁丁接受官方訪問時大為感恩，對於有網民盛讚他「戚眉」動作有心思，他坦言很開心：「其實戚眉呢個動作，我都做得幾多，尤其係我對住我老竇嗰時，因為佢喺我心目中只係廢柴、冇謀略，但我覺得我自己有謀略，所以就睇唔起老竇、睇唔起屋企人，覺得自己叻過晒佢哋。估唔到有人留意到，我都有親身留言多謝大家。」丁子朗灌酒。丁子朗對張曦雯起色心。談到角色造型獲讚，丁丁感恩監製陳萍給予了他很大信任及自由度，自言在眼鏡及西裝造型上確是花了不少心思：「我睇完劇本覺得呢個角色需要一副眼鏡，我就摷咗副眼鏡出嚟，監製話我覺得舒服就得，造型嘅嘢可以自己決定，好多謝佢畀咗好大自由度同信任我去創造呢個角色。至於西裝造型就係同公司服裝同事夾出嚟嘅，我哋做咗兩次造型，因為想望落去官仔骨骨啲，起碼睇落個樣要唔似壞人。」丁子朗強吻張曦雯。霸王硬上弓。問到出名有禮的丁丁，拍攝強吻張曦雯場口會否很大壓力時，他直認不諱，並感激對方予以百分百信任及支持：「佢好好，佢叫我放心，仲話『你隨便做啦，我一定會隨時配合你』，好開心佢畀到呢個信任我，阿Moon（劉佩玥）都係畀咗101%信任我。」講到劇中要應付不少除衫場口、大晒超結實背肌、麒麟臂及朱古力腹肌，丁丁稱為了保持最佳狀態，每次拍晒肌場口前必先餓足兩日，並因而瘦了10磅：「每次拍除衫戲前，我都會兩日唔食固體食物、主要飲流質嘢，將身體多餘嘅嘢排走佢，然後再去做gym。所以每次拍完除衫戲都好攰好攰，想即刻食番包糖，平時我係完全唔食零食嘅，可能就係因為太辛苦，我就慢慢變瘦咗，拍完套劇前後瘦咗成10磅左右。」劉佩玥被罵是「地產雞」。