張家輝爆拍《激戰2》挑戰更難　一個原因預告唔再操弗

張家輝爆拍《激戰2》挑戰更難　一個原因預告唔再操弗影帝張家輝、任達華、陳曉華、袁偉豪、邱梓謙及何佩瑜等昨晚（8日）出席電影《蛟龍行動》好友優先場。與《蛟》片導演合作無間的張家輝，笑稱就算打風也要來支持對方：「呢啲梗要啦，我咁都唔嚟我仲係人嚟嘅？」他表示二人每次見面都有傾再合作問題，兜兜轉轉發覺原來想做的事情一直都在，他透露導演正籌備開拍《激戰2》，不過坦言挑戰比拍《激戰》時難得多，他説：「因為《激戰》造成嘅影響力好大，令觀眾留下好深刻印象，人物關係、成長過程觀眾已經好清楚，要突破前作困難加倍。（你再操返弗？）我就乜都得，係唔操得，哈哈！」他認為就算自己再操弗也失去了新鮮感，因觀眾是欣賞電影帶出的勵志及鼓勵他人的精神，這也是最難突破的地方，他笑指純粹肉體操弗可靠AI：「以依家科技，搵個大隻佬Key我個頭上去咪得，哈哈！」家輝透露《激戰2》預計下年初開拍，會以原班上陣，笑指操弗一事留給拍檔彭于晏。同場的任達華也表示已好幾年未有跟《蛟》片導演碰頭，談到對方打算開拍《激戰2》，問到會否有興趣出演一角？他説：「如果有啱角色一定會參與。（要操大隻？）我諗我都Ok嘅，拍《跟蹤》增咗50磅，拍《PTU》時亦試過減磅好大隻。」身旁何佩瑜則表示相當佩服，笑指自己「肥咗瘦唔番」，又表示剛才已向導演自薦，希望參與《激戰2》演出，直言作為後輩當然想跟有分量的導演合作，問到是否零底線演出？她笑謂：「除咗光頭乜都得，哈哈！」任達華即鼓勵她，指覺得她光頭會很好看：「佢輪廓好，如果剃光頭除咗好有禪味，戲入面一定係一個好有性格嘅角色。」何佩瑜性感現身。家輝當然有到。兩大影帝合體。家輝準備拍《激戰2》。陳曉華莊思明與楊明好Sexy！家輝話唔再操弗！