杜德偉準備再踏紅館　張學友隨口唱呢首歌勁感動

杜德偉準備再踏紅館　張學友隨口唱呢首歌勁感動歌手杜德偉（Alex）將於10月18及19日再踏紅館舞台舉行演唱會，其一班好友包括「歌神」張學友、樂壇天后葉蒨文（沙麗）、後輩張繼聰、MIRROR成員Frankie及麥浚龍齊齊拍片為他應援。學友與Alex同於80年代出道，私下有班共同朋友，學友形容Alex是難得一見的善良人，每次見面都帶歡樂給身邊朋友：「係好窩心嘅暖男。」又指他的作品均在歌迷心目中留下深刻印象，學友隨口唱出Alex的《信自己》及《鍾愛一生》，令Alex相當感動。至於Alex與沙麗當年合唱的《信自己》曾成為樂壇頒獎禮的大贏家，歌曲至今令沙麗難忘，她說：「同Alex合唱《信自己》時，真係周圍唱、周圍跳，我哋唱咗好多次《信自己》，嗰陣時可以成日跳舞、唱歌，我好開心同Alex合唱咗呢首咁精彩嘅作品，係一個美好回憶。」身為Alex粉絲的張繼聰不只一次向全世界表白對偶像的愛戴，又指Alex的《影子舞》、《如泣如訴》，是他在演藝學院時考試必唱歌曲，到後期Alex在滾石唱片公司推出的國語歌曲，盛載了他不少青春回憶：「喺卡拉OK必唱，影響咗我喺音樂上嘅創作。」阿聰又指作為負責任的家長，好歌定推介給下一代，送上他和囡囡Kakaball隨《信自己》音樂的跳舞片，Alex大表驚喜又窩心。杜德偉準備再踏紅館。加油呀！張學友力撐到底。