丁子朗趁後生賣肉 王嘉慧晒泳裝性感擔當藝人丁子朗、馬貫東、林秀怡、陳懿德、王嘉慧 、鄭衍峰，今日（12日）在將軍澳電視城出席節目《盲盒鐵路遊》記者會。丁子朗、馬貫東與陳懿德到北京、秦皇島、哈爾濱、漠河進行盲盒游，丁丁透露事前打聽得要剝衫拍攝，故出發前兩星期已經食得清淡準備騷肌，但去到澡堂拍攝時，竟然是繼早年拍攝《森美旅行團》全祼浸溫泉後最性感的一次，更要清場拍攝，他笑言：「出街應該會打格仔，因為澡堂好熱，所以係要剝晒衫，淨係披住條毛巾，仲有個東北阿叔幫我捽老泥，嗰陣只係得條毛巾遮住Pat Pat。都好嘅趁廿幾歲，仲可以賣肉就賣啦。」陳懿德在節目中要化京劇妝，但卻被丁丁取笑時「驚劇妝」，去到拍攝滑水環節，她則變成喊驚，被丁丁大讚「好戲」，她說：「因為膝頭哥斷過韌帶，所以要滑水係史上最大驚恐，驚會再整斷韌帶，冇咗隻腳，雖然都戴住護膝，但係都少少整親，拍完都要唞一陣。」丁丁則笑言：「我未見過一個女演員咁好戲，喊到花容失色，我都細細聲同佢講啲戲多咗少少，但係後來見佢喊到成個妝都溶晒，變成素顏上陣，先知道每個人都有自己恐懼。」陳懿德則自嘲當時樣子醜過素顏。 王嘉慧事前也得悉要穿泳裝上鏡，在重慶也忍了多日口，但一吃火鍋翌日便要穿泳裝亮相，惟有縮肚拍攝，丁丁則笑言：「睇片段好好睇，收視靠晒你。」 王嘉慧旅程中做要在Spa和在泳池中以泳裝示人，明乎其實變成節目的性感擔當。 講到吃麻辣火鍋，她指在香港也是吃小辣，但想不到去到重慶竟然可以吃到麻辣火鍋，笑言原來自己也是辣妹。丁子朗趁後生唔怕賣肉。 丁子朗試過喺《森美旅行團》全祼浸溫泉。陳懿德驚滑水會再整斷韌帶。王嘉慧大晒長腿！王嘉慧於節目中大晒泳裝。一齊現身宣傳。玩咩先？一亦鬥靚！
丁子朗趁後生賣肉 王嘉慧晒泳裝性感擔當
