吳卓羲認證「山寨吳卓羲」激似　大爆阿姨電話求證：問係唔係我嚟

吳卓羲認證「山寨吳卓羲」激似　大爆阿姨電話求證：問係唔係我嚟吳卓羲今日（13/9）現身金鐘出席投資分享會。近日澳門一間網紅牛雜店，有網民發現一位「山寨吳卓羲」，與他相似度達95%，有不少網民第一眼都認錯，場面令人相當尷尬。澳門牛雜店驚現「山寨吳卓羲」。（小紅書圖片）吳卓羲接受《香港01》訪問時笑言：「其實識我嘅人都知嗰個唔係我嚟，因為我唔食牛。（唔食牛都可以賣牛雜！）唔得㗎，得唔會做呢啲嘢，因為得係信佛。（有冇睇過張相？）有睇過，真係似，係戴咗口罩嘅時候。其實我睇側面係好似，而我阿姨打畀我問嗰個人係唔係你嚟？係咪拍緊戲？我話似，但唔係我。其實我都費事睬佢，本身佢實知嗰個人唔係我嚟。」被問到對方靚唔靚仔時，吳卓羲表示：「其實佢似得我都靚仔嘅。（會唔會過去睇吓佢？）咁又唔會，因為我都唔食牛，過去有咩好睇呢，不過講真有人似我都算有啲成就。」吳卓羲都覺得「山寨吳卓羲」與自己十分相似。（陳順禎攝）