陳茵媺擺低媽媽包袱 大膽挑戰性感藝人陳茵媺、周嘉洛、游嘉欣、鄺潔楹、古佩玲、江美儀、徐文浩和吳子沖等，今日（4日）為《羅密歐與祝英台》宣傳，陳茵媺近日劇情開始做回女仔角色，她稱收到好多粉絲及朋友的短訊，表示感到驚訝，以為她一直會做男裝。她指對其中一場喊戲留下好深刻回憶，喊到崩潰，投入到整親手腳也不知：「嗰場喊到收唔到聲，喊足幾分鐘，因為要掟爛嘢，唔可以拍好多次，導演之前同我講定，就算掟爛鏡頭都唔好講Sorry，叫我繼續做唔使擔心。」她表示陳豪尚未睇，笑言該場喊戲幫了她不少，讓她將工作壓力和湊仔壓力一次過釋放：「因為拍劇要扮男仔，束胸好辛苦，又唔可以笑太多，同時要兼顧照顧小朋友，喊完之後自己真係舒服晒。」近日宣傳頻密，上次穿露背裝，今日以露肩上陣，問下次會否挑戰再性感？她笑言平日做媽媽角色比較密實，做藝人時就可以做回自己：「可以大膽啲，玩唔同嘢，冇媽媽包袱。」陳茵媺大膽挑戰性感。相當吸睛！仲有嘢派！一齊為劇集宣蝕。嚟張自拍。陈茵媺
陳茵媺擺低媽媽包袱 大膽挑戰性感
