中秋節即將來到，不少藝人們都在社交平台，分享準備過節的情況。好似熊黛林就與兩位寶貝女兒Kaylor和Lyvia一同花心思製作小燈籠，共度親子時光：「之前BB仲細，未明白中秋節嘅意思。我有同佢哋講月亮上面有個姐姐叫嫦娥，入面仲有隻兔仔，佢哋好開心……今年仲可以同佢哋一齊佈置吓屋企，當成親子活動。」
年底生B的Anjaylia與家人共度：「最難忘係細個嘅時候，有一個用玻璃紙做宮廷款式嘅燈籠，大個咗想搵番嗰款燈籠嘅時候，已經搵唔番。因為囡囡已經識得玩燈籠，所以今年特登去番傳統嘅舖頭搵吓，可惜搵唔到，最後揀咗小金魚燈籠畀囡囡。」
黎諾懿、陳敏之、王君馨及陳貝兒等就到深水埗進行探訪，向區內婦女送上福袋及應節月餅，同時傳遞關注乳癌的信息。
