連詩雅去電台宣傳新歌《別放棄治療》，此歌原本是紀念入行10周年，不過因疫情緣故延至現在推出。
連詩雅坦言入行多年，曾經有情緒病，覺得做甚麼都錯，感到迷失，質疑自己是否要繼續做歌手：「有段時間覺得自己做乜都唔啱，大家都好似唔接受，個人感到好迷惘、迷失，情緒都幾波動，仲會無原無故咁喊，唔知自己每日做啲乜，甚至點樣繼續生活？」
連詩雅的情緒問題持續了好幾年，最初靠睇醫生食藥，但是因抗拒長期服藥，最終靠做運動，保持正能量，成功康復：「自己一向報喜不報憂，所以少講呢啲經歷，捱過咗睇番轉頭又唔覺得係咩事，自己亦比想像中強大。」她更笑稱疫情下學識「煮到埋嚟就食」。
