張栢芝廣州出活動引騷動 零filter獲封最強混血女神女星張栢芝尋日（23日）現身廣州一個商演活動，一身純白西裝上陣，即使未有性感晒事業線，都足夠令現場水洩不通，成千上萬人圍觀，令活動更顯墟冚。只見在場人士位位舉起手機狂影，令網上湧出大批活動相同片，天生就係大美人嘅佢，梗係唔怕生圖曝光，見佢仍然下五官精緻不變，混血美貌重回巔峰，單靠靚樣就已經夠煞食，完全唔使賣弄性感而出位，即被大讚係最強混血女神！呢啲係粉絲圖，執到張栢芝靚晒。呢張係生圖，根本同真人冇分別，索爆。網民又拍得現場混亂景況，片中張栢芝步入店舖，明顯不知所措嘅時候，大會就安排多位保安隔離現場觀眾，為女神保留安全距離。而佢離開場地時，又體貼地攬住細細粒女助手，對方亦攬住栢芝纖腰，防止被人群撞跌，網民大讚栢芝係好老闆，同助手互相保護。現場太多人，張栢芝只好緊握雙手。走嗰時同助手互相保護。有愛。最強混血女神當之無愧。张柏芝
張栢芝廣州出活動引騷動 零filter獲封最強混血女神
