鄭嘉穎自揭多次缺席「鐵馬家族」聚會原因 「浪費時間」論被網民批睇清人品劇集《鐵馬尋橋》當中的鄭嘉穎、馬國明、黃嘉樂、林子善與唐詩詠,因劇中餘演兄弟姊妹建立感情,劇集播畢13年,眾人組成的「鐵馬家族」經常聚會。一個月前唐詩詠貼出「鐵馬家族」全家福,卻不見大哥鄭嘉穎,更有網民翻出上一次齊人的合照,已是2021年的事,更傳出黃嘉樂結婚時都不齊人,惹起鄭嘉穎與馬國明不和揣測。沒想到昨日(30日)鄭嘉穎在活動上接受傳媒訪問時,直接以「浪費時間」回應。【點擊睇鄭嘉穎缺席「鐵馬家族」聚會原因】:《鐵馬尋橋》播畢13年,眾演員感情一直要好。馬國明未公開戀情前,「鐵馬家族」好齊腳。馬國明與唐詩詠前幾年一齊打牌。唐詩詠(右三)去年參與「鐵馬家族」活動,馬國明二人未有到場,當時有指馬國明要陪阿媽打麻雀。之後傳出有唐詩詠就不見馬國明,連鄭嘉穎都冇到。鄭嘉穎在活動上提到多次缺席「鐵馬家族」聚會,表示一日只有24小時,要兼顧家庭便要作出取捨。他表示有家庭是一個原因,疫情又是另一個原因,而且去到人生某一個階段,亦是一個原因,時間一日得24小時想點樣去過,他說:「當到你去到唔同嘅階段你就會明,你會覺得有啲嘢係會浪費時間時,浪費時間嗰啲嘢你就會cut咗佢,咁所以你會用喺啲值得嘅地方。」鄭嘉穎:想熱鬧咪去熱鬧受到成長的影響,鄭嘉穎坦言自己愛靜:「我係鍾意靜,可能同我以前成長有好大關係,因為我係一個人自己大,家姐唔係同我一齊,所以我慣咗,唔怕孤獨。反而我而家要適應熱鬧,熱鬧有熱鬧嘅開心,咁所以唔同階段有唔同階段嘅嘢。」鄭嘉穎承認要對待熱鬧要看與甚麼人:「無錯啦,你就係講到重點來。咁如果你想同嗰啲人熱鬧咪去熱鬧,咪去做囉。」對於傳與馬國明不和,鄭嘉穎不置可否說:「大家都識咗咁多年,有咩話唔啱,我諗熟嘅都會明白,唔同階段去做唔同嘅嘢,咁佢去到呢個階段,佢都會明,有啲嘢係要取捨。」鄭嘉穎暗示不會出席馬國明婚禮:「如果要離開一段時間,咁會有啲難搞囉。」網民對鄭嘉穎的回應有不少睇法:「咁X有資歷嘅藝人都咁答,佢嗰班人應該真係好X煩」、「其他人唔知,睇個款林子善應該幾煩」、「食餐飯都話浪費時間」、「同黃智賢係真心朋友,見到佢心情開心好多,最緊要啱傾。其他酒肉朋友,應酬式見面,浪費時間」等。郑嘉颖kennethma马国明
鄭嘉穎自揭多次缺席「鐵馬家族」聚會原因 「浪費時間」論被網民批睇清人品
![](https://todaynews-48.com/wp-content/uploads/2023/12/67ed1b21gy1hkeefst5yxj20sg0iyte1.jpg)