陶大宇圓夢着醫生袍　自爆被專業名詞考起

陶大宇圓夢着醫生袍　自爆被專業名詞考起「師奶殺手」陶大宇近日拍攝廣告，他先後換上多個造型，更收起搞笑作風，以專業的醫生造型示人，傳遞健康訊息。不過，經驗豐富的他直言被醫學專業名詞考起：「有一兩句卡得好犀利，NG咗好多次。專業名詞唔可以錯，要跟得好足。」片中穿起醫生袍的他感到相當興奮：「從影咁多年來，比較少做醫生，只飾演過三次，都係客串形式，今次終於感受到着醫生袍嘅滋味，拍劇做唔到嘅嘢，今次做到，好開心。」對於自己的醫生造型評價，他笑說：「好少見到真正嘅醫生着醫生袍好睇，多數嘅醫生袍都係比較寬闊，自己想盡量着得好睇啲，所以最重要係稱身同埋乾淨。」戒煙超過10年的他現時生活規律：「戒煙係畀自己一份好好嘅禮物。我現在生活規律，唔同後生嗰時亂咁嚟，唔會暴飲暴食，仲要加埋運動。」近年憑翻唱《倒轉地球》爆紅的大宇，講到回港拍劇，他坦言很久沒有在港拍劇，透露一直有接洽不同劇集，只是緣分未到：「我對角色好奄尖，揀嚟揀去，所以好似好耐冇拍劇咁。」他直言追求輕鬆角色，有機就會返香港拍劇。陶大宇着醫生袍。原來從影咁多年，只客串過3次醫生。經驗豐富嘅佢都被專業名詞考起。陶大宇