劉穎鏇自認路癡　5分鐘車程要揸15分鐘

劉穎鏇自認路癡　5分鐘車程要揸15分鐘藝人劉穎鏇（Tiffany）今日（25日）為現身汽車品牌活動，她表示自己有車牌亦喜歡開車：「我搭車好易暈車浪，但自己開車就唔會，所以我鍾意開車。（你鍾唔鍾意開快車？）我怕畀人影快相，同埋安全問題，所以我只會開到車速限制嘅上限，但唔會超速，從來未試過因為超速而畀人抄牌。」不過Tiffany自言對香港道路不太熟悉，要花時間看導航，故會預多時間在交通上：「我都幾大頭蝦，除咗返公司同返屋企之外，去其他地方都會蕩失路，今日來會場都轉錯咗兩次彎，5分鐘車程，我要花15分鐘。有時我車爸爸，佢問點解你行嘅路同導航顯示唔係好同，我呃佢話我呢條係捷徑。」另外，講到高中的舊照近日流出，Tiffany稱相片是她跟學校籃球隊友的合照：「已經係十幾年前，可能以前隊友放過喺網，見到啲相感覺好神奇，時間過得好快。（個樣同依家有冇咩唔同？）依家塊臉冇晒Baby Fat，咁當然係鍾意依家個樣多啲。（驚唔驚有黑圖流出？）唔擔心，朋友唔會咁對我。」Tiffany呢排當旺，人都特別靚。佢好鍾意揸車。不過就未試過超速。劉穎鏇