2歲Sir Face整蛋糕！賀媽咪梁諾妍36歲生日 偷食香蕉Cute爆賣萌現年40歲的洪永城與太太梁諾妍（Inez）於2021年結婚，同年12月誕下囡囡「Sir Face」洪靖嵐（Amber），梁諾妍早前宣布陀第二胎，2.0 B女仲有不足２個月就面世。前日（２日)是梁諾妍的36歲生日，老公洪永城陪老婆去staycation，Sir Face也做了一個香蕉蛋糕賀媽媽生日，不過就邊做邊偷食，萌爆！梁諾妍生日收驚喜：洪永城與梁諾妍於2021年7月舉行婚禮。去年12月洪永城40歲生日，太太梁諾妍宣布陀B喜訊。梁諾妍已經肚凸凸。洪永城與梁諾妍去年底一家三口去台灣，還到當地農場玩。Sir Face看來玩得好開心，不過陀B的媽咪就呻攰。梁諾妍昨日（2日)在IG story分享了多條影片，影片中看到梁諾妍與洪永城做運動，同面貼面甜蜜合照，原來梁諾妍生日正日同洪永城去了愉景灣staycation，渡過了一個好chill的生日，她寫說：「瞓咗一個奢侈嘅午覺，食咗個自助晚餐，謝謝洪爸爸陪我過咗個好relaxing嘅生日，謝謝大家的生日祝福，不只是生日快樂，我每天都過得十分快樂，有我愛的家人和朋友，又諗起屋企2個女兒將會好快變3個，我已經係全世界最幸福嘅人，What more I can ask for？」而另外兩條影片就看到Sir Face在外傭姐姐協助下炮製香蕉生日蛋糕，外傭姐姐十分有心，將整個製作過程記錄下來，外傭姐姐搣掉香蕉皮後，把香蕉放入碗，2歲的Sir Face用鐵匙把香蕉整成香蕉蓉，期間Sir Face忍唔住偷食半條香蕉，當完成個香蕉蛋糕，Sir Face仲拍拍個蛋糕面唱生日歌，「Happy Birthday Mummy！」，而梁諾妍大讚「工人姐姐同Sir Face都好SWEEEEET」。#梁诺妍#洪永城
2歲Sir Face整蛋糕！賀媽咪梁諾妍36歲生日 偷食香蕉Cute爆賣萌
