曾志偉透露新年飛台灣加拿大探女兒　被問拍戲可能性佢竟咁答

曾志偉透露新年飛台灣加拿大探女兒　被問拍戲可能性佢竟咁答曾志偉（志偉哥）今日（6日）在TVB電視城出席《龍舞雲祥年初一》錄影活動。談到新年將近，志偉哥接受訪問表示：「初一好難得放吓假，以前都係去表演多，可以探吓女兒，一個喺台灣一個喺加拿大，飛完去台灣再飛去加拿大。」曾志偉（志偉哥）今日（6日）在TVB電視城出席《龍舞雲祥年初一》錄影活動。（張祖銘攝）講到新年大計，他表示：「希望廣告多番啲，同埋香港生意好返，疫情都已經過晒，希望多啲好節目，好似《新聞女王》劇本咁！」他透露：「其實我哋起碼一年嘅計劃都傾好晒。」曾志偉坦言難得今年初一放假。（張祖銘攝）被問到會否考慮邀請老友出山拍劇，他笑言：「希望啦！其實多咗見以前舊同事，佢哋都話開劇預我啦，譬如今次頒獎典禮又有林保怡同羅嘉良。」至於會否考慮拍戲。他坦言：「我都想，但冇乜時間，現在呢個工作非常纏身，劇更加唔使諗添，綜藝節目都仲可以玩吓。」另外，他透露年三十晚即將會有一個活動在廟街舉行。曾志偉望多啲老友出山拍劇。（張祖銘攝）曾志伟