蔡潔靠一件事撐過入行10年高山低谷 又關衛蘭事？今年2月是蔡潔（Jacky）入行10年的日子，日前與包括來自內地、新加坡的粉絲聚會慶祝兼補祝生日，期間Jacky唱了3首歌外，亦慈善義賣了她自己寫的2本書為機構籌款。她所唱的歌包括衛蘭《就算世界無童話》對她最有深意：「不經不覺自己原來已經參與過超過30部電影，中間有好多等待和未知，到近年開始有機會拍劇，好開心角色獲得大家認同，更開心係知道有Fans支持，亦想多謝2017年認識嘅一班生死之交，佢哋帶我做義工，鼓勵我面對演藝路上的困難，幫我解開咗一啲心結，佢哋更送咗《就算世界無童話》呢首歌畀我，以陪住我走未來的路。」入行10年文靜的蔡潔對住一班追隨多年的Fans暢所欲言，竟然分享了45分鐘，講到聲沙：「冇諗過可以講到四十五分鐘，依家把聲有啲沙，好多謝佢哋，就算我揀嘅係慢歌，都一樣好好反應，應承大家未來我出歌，或者有活動會多啲安排大家出席。唔經唔覺，蔡潔入行10年。一直都咁靚。有Fans陪伴。攬攬先。加油！一路聽住衛蘭呢首歌。蔡洁
蔡潔靠一件事撐過入行10年高山低谷 又關衛蘭事？
