姚焯菲新西蘭度歲 煎年糕益朋友「聲夢小花」姚焯菲（Chantel）、鍾柔美（Yumi）和詹天文（Windy）今個農曆新年各有各忙，Yumi和Windy要用盡假期去溫書，全力準備DSE考試，而正身在新西蘭讀書的Chantel，豈不是未能𢭃利是？她即笑笑口表示：「依家電子銀行好發達，我會越洋同親戚拜年𢭃利市，爹哋媽咪又會幫我𢭃，所以都OK。」Chantel今年獨個兒在新西蘭過年會否感到孤獨？她坦言有點不開心，但有朋友陪伴自己，而自己又可以買賀年糕點跟朋友們分享，「我會煎啲蘿蔔糕或者年糕請佢哋食，我有試過煎，都成功嘅，唔會煎燶，大家放心。」問她們收過最大封利是是多少？Windy表示是父母給予的，總共有5位數，而Yumi則是4位數，「我好似係抽番嚟，一打開封利是見到好大個數，好開心。」詹天文（右起）、姚焯菲與鍾柔美同大家拜年！相當養眼！鍾柔美自爆最喜歡數銀紙。三人又異口同聲表示收取的利是錢會部分交父母給儲起，部分則自己留起，Yumi自爆最喜歡數銀紙，「我好鍾意不停儲錢，會同自己講要忍住唔好用晒啲錢，然後搵一日慢慢逐張去數番，會好有滿足感同成功感。」至於下個月便正式18歲成人的Windy，今年將首次派開工利是，醒目的Yumi和Chantel即賣口乖祝好姊妹食極唔肥，向她拜早年「催利是」，令Windy哭笑不得，笑稱：「好啦，派10蚊畀你哋！」至於誰是守財奴？：Chantel表示：「我睇邊方面，買衫方面我超級大使，不過我都會諗過先嘅，如果大壓力時候就會買衫，但其他方面唔算好大使，理財能力都幾高，如果同朋友出街，媽咪會畀錢我，我會儲起最少30％。」Yumi則表示：「我諗三個入面，最大使嗰個係我，因為我好鍾意食嘢，又好鍾意飲珍珠奶茶，可以一個星期幾日都飲珍珠奶茶，我知好肥，亦知道一杯代表5碗飯，但我太鍾意飲嘢食嘢，反而衫唔會好似Chantel咁，因為我啲衣服都係屋企人幫我挑選。」Windy則指自己沒有購物慾，吃東西方面又慳又細食，反而使費最多的是車費，她更自爆：「我好少買衫，媽咪啲衫我都着得落。」Windy（右）表示父母曾給予5位數的利是。姚焯菲要獨自喺新西蘭度歲會有啲唔開心。姚焯菲（中）會煎啲蘿蔔糕或年糕請朋友食。Credit：Chantel：Hair：Hugo Poon @ private i salonMakeup：King Yip @ KingsMakeupOutfits：Markfast姚焯菲Chantel
姚焯菲新西蘭度歲 煎年糕益朋友
