朱晨麗紅鸞星動 被陳煒爆料：佢今年嫁喇！藝人陳煒和朱晨麗（朱朱）今日（18日）到馬場出席「TVB賽馬日」，兩位好姊妹稍後會一齊拍劇，但就沒有對手戲。剛由加拿大登台返港的陳煒，趕及與老公慶祝情人節，並獲老公送上鮮花，陳煒冧爆表示：「因為返嚟有時差，所以大部分時間都係瞓覺，但佢好早訂花。好多謝佢啦！我哋仲去咗嘉年華玩，掟咗個好大嘅公仔。（收咗咩禮物？）唔使啦，就算同佢食大排檔都開心。」朱朱被問到情人節如何度過？陳煒即爆料：「佢紅鸞星動，今年嫁㗎喇！」雖然朱朱否認蜜運，但陳煒繼續踢爆：「佢係呀！」朱朱笑笑口表示：「我努力緊，但係隨緣。（出年派雙封？）我依家都可以派。（保護愛苗？）隨緣。」陳煒即說：「佢唔好意思啫，女仔怕醜，但唔認就唔得。」朱朱今年好事近？陳煒有料爆！陳煒一定知內情！佢自己本身好甜密！陈炜朱晨丽
朱晨麗紅鸞星動 被陳煒爆料：佢今年嫁喇！
