陳貝兒望行桃花運：多啲嚟密啲手藝人陳貝兒（Janis）早前邀一眾《嫁到這世界邊端》系列人妻到家中聚舊，因而令豪宅曝光，今午（18日）她現身馬場時回應：「嗰日係一個團拜，好難得啲人妻喺世界各地全部飛返嚟香港。（呢間屋係你嘅Dream House？）都住得好舒服。（小富婆喎。）唔係嘅，不過今年好開心能夠留喺香港過年，公司畀我請假，可以陪吓屋企人同去拜年，心中富有最緊要。」問到下一步是否希望覓得良緣？她大方回答說：「今年都有好多新希望，工作繼續順順利利，人緣同桃花運多啲嚟密啲手。（人妻們有好介紹？）佢哋經常都Send啲世界各地嘅筍盤畀我，不過暫時仲未約到飲咖啡。（介唔介意嫁去外地？）見佢哋咁幸福，我梗係唔介意啦。」至於未來工作安排，她表示：「《嫁到這世界邊端》同《無窮之路》續拍問題都傾緊，公司話安排緊。（話你呢幾年喺內地賺咗好多桶金。）唔係，最緊要賺到經驗，開放咗自己嘅眼界，同埋識咗好多新嘅合作夥伴，希望一路有好嘅發展。」陳貝兒希望行桃花運。陳貝兒唔認係小富婆。陈贝儿
陳貝兒望行桃花運：多啲嚟密啲手
