王菲謝霆鋒再次高調同框 罕見拍手臂冧豬撒嬌甜爆樂壇天后王菲去年喺北京機場偕男友謝霆鋒重演23年前「世紀一拖」，情比金堅，大家都知二人愛得低調又甜蜜，估唔到今年農曆年一過，佢哋又再次喺機場放閃！尋晚（26日）深夜，王菲同謝霆鋒由日本旅行返北京，兩人一同抵達北京機場，並坐膊頭貼膊頭咁坐擺渡車，王菲罕見不理在場人士目光，用手拍拍霆鋒手臂撒嬌，二人又靠近彼此傾密偈，畫面再次震撼全中國。期間有粉絲追住王菲攞簽名，天后親切爆燈，心情靚靚直接就幫佢簽，即被網友大讚熱戀中嘅女人真係特別甜，就連天后喺愛郎身邊，平時幾cool都即刻變小鳥依人 。天后王菲本身咁低調，不過佢見親霆鋒就會變高調。上年拖手，今年只係同框？原來同行都唔係重點。王菲一身有型打扮。天后當眾撒嬌，請大家食閃光彈。眼神離唔開男友。霆鋒亦愈愛愈高調。二人相愛咁多年都仲咁冧。王菲谢霆锋
王菲謝霆鋒再次高調同框 罕見拍手臂冧豬撒嬌甜爆
