「長腿女神」戴祖儀新加坡「嘔完又吞番」勁核突

「長腿女神」戴祖儀新加坡「嘔完又吞番」勁核突「長腿女神」戴祖儀不時喺社交網分享生活趣事及點滴，而向來鬼靈精怪嘅佢，日前更晒出喺新加坡旅行時嘅片段，只見佢喺名勝景點魚尾獅公園，先係「嘔到七彩」之後，竟然又「飲」返晒落肚，認真「核突」又搞笑呀！樣靚身材正。日前去咗新加坡旅行嘅戴祖儀，晒出多張四處遊覽玩樂嘅相外，日前更晒出佢喺魚尾獅公園玩嘅片段，只見前一刻仲係正正常常嘅合照打卡，下一刻就變成「嘔到七彩」，扮晒嘢喺個口度噴水出嚟，引嚟網友搞笑留言：「噴射式嘔吐」外，咁啱相中有人擔遮擋太陽，成張相望落變成擔遮擋「嘔吐物」，認真搞笑。之後，換咗角度影相嘅戴祖儀亦扮晒「飲水」，企喺另一邊擘大口接角尾獅噴出嚟嘅水，引嚟網友搞笑道：「你啱啱嘔出嚟又吞返！」、「有排嘔！」嘔到咁，有咗呀？咦，做咩又吞番自己頭先嘔嘅嘢呀？戴祖仪