李克勤做廿四孝老竇 陪仔攞球星簽名歌手李克勤今日（12日）出席活動，透露剛完成北京巡迴演唱，以前曾與譚詠麟及容祖兒在北京開騷，笑言終於可以同阿媽講完成在北京開首個個人演唱會的心願，過兩天便去寧波，之後緊接廣州和蘇州繼續開騷，提到近日感冒肆虐，張學友都不慎染上新冠病毒，克勤表示冇辦法，今天若不是影相也會戴口罩，會事事小心，他有建議兒子返學戴口罩，遭兒子拒絕，他說：「佢話同學都唔戴，唔想似怪獸。」離港多時，不擔心跟兩子感情疏離，笑言自有辦法，除了多給零用錢外，更投其所好，做廿四孝爸爸早前便陪細仔睇高爾夫球賽事，又陪等球手攞簽名及合照，他同兒子說：「你爸爸經常畀人攞簽名，依家陪你攞簽名。」留港期間他都爭取時間睇足球及做運動，問是否冇預時間陪老婆？他說當然不是，之前老婆亦有去北京睇騷探班。克勤真係好爸爸。為2個仔做乜都得。李克勤
李克勤做廿四孝老竇 陪仔攞球星簽名
