邵初處女劇即拍住視帝后 大讚胡定欣親切零距離感藝人邵初「處女下海」，接拍劇集《巾幗梟雄之懸崖》。首次拍劇即出埠取景，加上與視帝黎耀祥及視后胡定欣合作，阿初直言大感緊張：「第一次拍劇就唔喺香港開工，而且咁大製作喎，起初真係好驚自己做得唔好，搞到瞓唔安食唔落，好彩抵達拍攝地，大家自動波互相照顧，即刻安心晒。」戲中扮演定欣助手的她，突然感性表示：「好彩佢同祥哥（黎耀祥）都好親切，估唔到一埋位我同定欣嘅感情就好深厚，同佢真係冇距離感，佢好容易觸碰人哋嘅心靈，令我好易入戲。」談到黎耀祥，阿初更見讚口不絕：「佢畀咗好多意見我，好似有成套（演戲）教材咁，佢就可以開班授徒。」阿初又透露正有新劇接洽中，有可能很快便再次進組，加強其演戲「實戰經驗」。邵初首部劇集即與視帝后合作。明顯受重用。感激胡定欣帶住入戲。#邵初#胡定欣
邵初處女劇即拍住視帝后 大讚胡定欣親切零距離感
