【娛樂熱話】《一個好人》 廟街神父胡頌恆熱心助人 寧住100呎劏房今晚（3月27日）播出的第6集《一個好人》，主持林子善分別拜訪了「廟街神父」胡頌恆、寵物暫託家庭Christy和攝影義工何偉彤偉哥。大愛神父服務社區「廟街神父」胡頌恆是77歲澳洲人，來了香港40年，講得一口流利廣東話。他住在100呎的廟街劏房，過着簡樸生活。「我鍾意簡單嘅生活，呢度好容易搵到我哋，可以24小時咁去幫人！」胡神父在廟街開設了一間社區食堂，更只聘請更生人士。「因為呢啲人好難搵工作，唔係好多人請佢哋，但佢哋其實好勤力，喺度做嘢好開心。」製作組問到他是否一個好人時？他謙虛說：「我唔係好人，我做呢件事係應該嘅，以前好多人對我咁好、畀機會我，我好幸福，我都想對其他人好！」對於胡神父的無私大愛，子善說：「我同神父講希望你工作愈嚟愈少，即係證明世界愈嚟愈美好。」助受創狗狗適應新生Christy做了寵物暫託家庭４年，一共照顧了13隻有傷殘或健康有問題的狗狗，用愛陪伴牠們跨過身心障礙。Christy認為做寵物暫託，得著甚大。「暫託畀到我成功感好大，暫託（家庭）就好似一個療養院嘅角色，幫一啲機構分擔吓，會帶狗狗返屋企，當係自己嘅狗狗咁樣養，希望可以幫到佢哋重新適應屋企嘅生活，同埋提高佢哋被領養嘅機會。」此外，74歲的攝影義工偉哥以鏡頭溫暖人心，子善跟隨他為一名96歲婆婆影靚相，過程溫馨歡樂，偉哥還會分享為臨終長者影遺照的感人經歷。林子善舉辦好人相展節目尾聲有一個特別環節，子善與一班受訪好人接觸時，拍下不少照片。為此，子善特意舉行了一場相展，並邀來過往集數介紹過的好人聚首，子善說：「呢個節目令我發現呢個世界有時好苦，但慶幸有一班好人默默付出，為呢個社會送上一點甜。佢哋未必係偉人，但係佢哋內心同行為都可以一樣咁偉大，好想話畀佢哋知，你哋一啲都唔孤單，身邊其實仲有好多好人喺身邊。希望透過相展，將咁多位好人連繫埋一齊，大家互相認識互相交流。每個人將嗰份力量拎出嚟，相信可以變成更強大嘅力量，幫助呢個世界。」今集首位出場的好人是「廟街神父」胡頌恆。胡神父住在100呎劏房單位，為了方便幫助更多的人。胡神父開設社區食堂，專聘用更生人士。胡神父對所有人都是一視同仁，相當大愛。第二位好人是Christy，佢總共照顧了13隻可愛狗狗。子善與Christy一齊放狗，了解她的生活。74歲的偉哥是一位攝影義工。他同子善一同為96歲婆婆影靚相。子善落力幫助偉哥。偉哥分享為臨終長者影遺照的難忘經歷。子善為一眾受訪好人，搞了一個相展。相展齊集節目出現過的好人，互相交流。子善希望一班好人可以凝聚更強大的力量。林子善
【娛樂熱話】《一個好人》 廟街神父胡頌恆熱心助人 寧住100呎劏房
