馮盈盈唱歌片反應兩極 考慮參加《中年好聲音》藝人馮盈盈日前在社交平台分享了一條唱歌影片，高唱一曲《對你太在乎》，但網民反應兩極，有人讚她唱功有進步，但亦有人彈她造作及咬字不清，一向有「魔音」之稱的盈盈表示：「冇諗過網民有咁多反應，咁多意見回饋，個個都鼓勵我繼續專心做主持，但我覺得要克服呢個恐懼，會繼續搵謝東閔音樂學校再學唱歌，不如大家提議吓我下次唱咩歌。」馮盈盈宣傳新劇。對於被批評演唱時太造作，盈盈聲稱自己歌唱技巧未夠熟練，只專注音準和發音，以至唱歌沒有感情，她表示：「多謝網民指出先知講嘢同唱歌發音係有分別，平時講嘢發音都有人話我有改善，一去到唱歌真係搞唔掂，又要顧拍子，又要顧唔走音，仲要顧埋感情，所以專業歌手真係好叻，我請大家高抬貴手，畀啲鼓勵我慢慢進步。」馮盈盈玩得相當投入。問盈盈是否要打破「魔音」稱號？她笑言：「係呀，我以為打破咗添！我係唔會屈服㗎，會堅持喺唱歌界再下苦功，希望可以有人請我登台唱歌，或者參加《中年好聲音》，因為我距離參賽年齡35歲仲有幾年時間，我決定用呢幾年時間去苦練，幾年後可能得啩！」馮盈盈熱愛音樂。冯盈盈
馮盈盈唱歌片反應兩極 考慮參加《中年好聲音》
