李施嬅內外通吃　賺埋時尚感

李施嬅內外通吃　賺埋時尚感藝人李施嬅多年前離開無綫，更勇闖荷里活簽美國經理人公司，於外國頒獎禮奪得雙料影后。現時她憑着劇集《新聞女王》的餘威，於內地的「戰績」亦相當不俗，日前更到北京工作搵真銀。她接受東網訪問時開心賣關子表示之後會有新嘗試：「有好消息我就會公布，《新聞女王》的確幫咗我好多，令更加多人認識我，接咗好多工作，唔同地方都有，真係好開心。」她指現時多了不少時尚服裝方面的工作，更藉此一雪前恥，她笑言：「之前『胡說八道』啲姊妹成日都笑我啲衫Keep咗幾十年仲喺度，仲話要燒我衣櫃，依家我進步咗好多嘞！着衫方面都好咗好多。」她到內地最開心的，就是發現很多業內人都有看她與陳山聰主演的《金宵大廈》：「我真係冇諗過，真係好驚訝，原來好多呢行嘅人都話我知睇過，覺得香港作品好好，大家都有討論，超級開心。」李施嬅到北京開工搵真銀。李施嬅表示多了不少時尚服裝方面的工作，藉此一雪前恥。李施嬅依家着衫方面好咗好多啦！李施嬅驚訝與陳山聰合作的《金宵大廈》，於內地有好多人睇！李施嬅