文頌嫻同前亞視花旦敍舊 凍齡有術勾網民集體回憶藝人文頌嫻（文女）從2012年同商人李梓慎結婚後，就淡出幕前，主力照顧家庭，不過佢喺圈中人緣好，早年喺亞視轉投無綫之後，孖佘詩曼、湯盈盈、梁靖琪、周家蔚、姚樂怡與鍾麗淇組成「七魔女」，經常一齊聚會，姊妹情不俗。除此之外，原來佢仲有同以前亞視嘅拍檔聯絡，佢日前喺社交網晒出與曾多次合作嘅好友梁碧芝合照，仲以經典劇《我和殭屍有個約會》角色「碧加」來稱呼對方，勾起網民集體回憶。50歲嘅梁碧芝係前亞視花旦，曾擔任《六合彩》主持，雖已淡出娛樂圈多年，依然保養得宜，狀態十足，而佢婚後更生活富貴，不時坐私人飛機外遊，做個幸福少奶奶，網民大讚佢同文女都係凍齡有術，好似食咗防腐劑一樣唔識老呀！文頌嫻同梁碧芝敍舊。 凍齡有術唔識老！梁碧芝婚後生活富貴。梁碧芝曾主持《六合彩》。文頌嫻（右2）係「七魔女」成員之一。文颂娴
文頌嫻同前亞視花旦敍舊 凍齡有術勾網民集體回憶
