朱晨麗抽空回港力撐劉松仁總監音樂劇 變同學聚會無綫花旦朱晨麗（朱朱）正忙於內地拍攝網劇《歸棹》，日前專程抽空回港觀賞前輩劉松仁擔任藝術總監的音樂劇《利瑪竇》，朱朱接受東網訪問時，透露與劉松仁於入行首套劇集《名媛望族》已結緣，雖然當時雙方對手戲不多，但劇集煞科後，與同劇演員一直保持聯絡。直至《利》劇幾年前首度公演，朱朱也第一時間買飛支持，她說:「同佢閒談間知道呢個音樂劇唔容易同非常有意義，亦知佢做呢件事背後目的係乜嘢，今次個劇第三度公演，我當然點都要返嚟捧場，同埋套劇加入咗好多唔同元素，同幾年前睇好唔同，成件事昇華咗。」不過令朱朱最驚喜，莫過於在後台重遇演藝學院時期的同學：「真係好有緣分，原來呢套劇嘅導演係我演藝同學，之前睇嘅時候都冇留意，原本今次去後台想搵梓軒，點知就畀我同個同學相認，大家都有10幾年冇見過，不過好在大家都冇乜點變。」朱晨麗今次回港都只係為撐劉松仁！佢大讚呢個音樂劇非常有意義。竟然仲撞到演藝同學，好有緣！朱晨丽
朱晨麗抽空回港力撐劉松仁總監音樂劇 變同學聚會
