連詩雅懷孕7個月現身　心情忐忑未定剖腹或順產：兩樣嘢我都驚痛

連詩雅懷孕7個月現身　心情忐忑未定剖腹或順產：兩樣嘢我都驚痛準媽媽連詩雅（Shiga）今日（3/5）陀B現身尖沙咀出席品牌活動。Shiga受訪時表示：「我而家個肚7個月，時間過得好快，仲有2個月多幾月就生得，去到呢個階段，我已經冇再去磅重，但係我記得對上一次產檢之個體重係重咗5至6Kg，但係走佬袋我仲未執，因為都唔知要帶定啲乜嘢，變咗而家都問緊身邊媽媽朋友入院而要用到嘅物品係啲乜嘢。」連詩雅今日出席活動。（梁碧玲攝）此外，Shiga仲未決定選擇開刀還是順產：「其實都要聽醫生點講，但自己仲未知。因為兩樣嘢我都驚痛，變咗而家我係處於唔去諗嘅狀態，因為仲有兩個月時間，畀我每一日去享受每一天，食吓瞓吓，等我開心住先啦。（會唔會搵師傅為BB改名？）都可能會，到時睇吓，但就未話一定會搵住。」準人媽連詩雅還未決定選擇開刀定順產。（梁碧玲攝）连诗雅