洪永城老婆產後疑做漏一事胸部突紅腫入院 情況嚴重恐要開乳頭放膿

洪永城老婆產後疑做漏一事胸部突紅腫入院 情況嚴重恐要開乳頭放膿洪永城與太太梁諾妍（Inez）於2021年結婚，同年誕下大女「Sir Face」洪靖嵐（Amber），今年3月再誕細女「Sir Face 2.0」Beryl。一向身形Fit到漏的梁諾妍，上月中亦宣告重拾慢跑操肌，未料今晨（7日）她自爆疑做漏一事患上婦女病，更搞到連日發高燒要住院。洪永城太太梁諾妍入院：洪永城去年40歲生日時，宣布太太陀第二胎喜訊。洪永城公開第二胎超聲波相。洪永城讚太太梁諾妍是「最漂亮的懷孕媽媽」。梁諾妍「卸貨」前於社交網分享大肚寫真。 雖然梁諾妍當時腹部已經籮咁大，但四肢依然纖幼，上圍更加明顯升Cup，輕鬆谷出深長事業線，獲一眾圈中好友紛紛大讚辣媽。 梁諾妍自上周四（2日）貼出1個半月大細女Beryl與老公洪永城童年的倒模對比照後，便一直沒有更新社交平台，至今晨於IG Story親解「失蹤」原因，她自揭由周六（4日）晚開始發燒，半夜更發冷、骨痛兼體力不支，但五合一檢測結果仍呈一線，「（我）諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」梁諾妍盼無需做手術抽膿梁諾妍續指，其實右上胸已痛足多日，周日（5日）黃昏因持續高燒不退才辛苦到去醫院睇急症：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」惟昨日（6日）仍然病情反覆，她稱只好多休息、多飲水、按時食藥、食補充劑、埋身親餵母乳、每兩至三小時泵一次奶，以及餵奶前敷熱毛巾和餵後敷凍椰菜等，終於今晨再沒有發燒發冷情況，「雖然個胸仲係又紅又腫又痛，冇發燒我已經覺得打贏咗一半，因為如果太嚴重要用針抽膿／做手術開（打）開個乳頭放膿，omg希望冇呢一日。」洪永城愛女萌照：洪永城與梁諾妍於2021年7月舉行婚禮。梁諾妍於2021年12月為洪永城誕下女兒「Sir Face」Amber。Sir Face由出世開始，已經非常可愛。 Sir Face深受網民喜愛。洪永城的基因認真強勁，兩父女似十足餅印！最後，梁諾妍醫院自拍照寄語各位媽媽：「千祈唔好好似我咁，辛苦到唔多識形容，個胸都痛到唔識形容。」並以過來人身份建議盡量親餵母乳，餵完最好再泵清，「泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」洪永城#梁诺妍#