【娛樂熱話】《神耆小子》花車巡遊振聲威鄭則士（Kent哥）、蕭正楠、樊亦敏、冼靖峰、羅毓儀、吳子冲、魯振順等演員於5月27日出席《神耆小子》「老虎狗振聲威」花車巡遊。大隊由將軍澳電視廣播城出發，乘坐花車在中環、銅鑼灣、尖沙咀巡遊，為劇集即將在5月31日，晚上9點半，在翡翠台播放大結局宣傳造勢。出席演員除了沿途與市民打招呼，更在中環及尖沙咀下車，將劇集紀念品送給途人，並來者不拒與市民合照。蕭正楠與傅嘉莉在劇中有接吻戲，他說咀戲只是點到即止而已，並說太太黃翠如並冇監場，又不需要預先向她備案。蕭正楠笑說播出時，叫她不要看。問到會否接受太太拍嘴戲，他笑說：「同邊個？洪永城就唔好，我唔會理，可以鍚個好啲。」冼靖峰與羅毓儀在劇中有兩場嘴戲，冼靖峰笑說熒幕初吻獻給「前輩」羅毓儀。由於二人身高有一定差距，冼靖峰說拍攝時已跪低，所以冇身高問題。羅毓儀亦說觀眾封二人為「最萌身高差」，並對劇集即將來到大結局，大表不捨。出席演員精神奕奕由電視廣播城出發。一行人先到中環作花車巡遊。監製王偉仁（後排右七）亦有參與宣傳活動。冼靖峰粉絲好有心，在中環及尖沙咀一站舉牌支持偶像。難得見到一班藝員，途人也爭相影合照。演員們除了與途人打招呼，亦在花車上自拍。莊思敏、莊思明兩姊妹將紀念品派發給途人。（左起）蕭正楠、冼靖、鄭則士、樊亦敏及羅毓儀珍惜每次宣傳聚頭的機會。蕭正楠說拍嘴戲不需要預先跟太太備案。樊亦敏與「小鮮肉」吳子冲的對手戲，引來不少網民討論。冼靖峰與羅毓儀透露二人有兩場嘴戲。鄭則士視周潤發為恩人Kent哥早前接受無綫娛樂新聞台節目《星光路上》專訪，入行47年的Kent哥透露演藝夢由7歲開始萌芽，並笑言自己貪慕虛榮。「我細個嗰時最紅嘅童星係馮寶寶，覺得佢嘅生活好得意，可以見（識）到唔同嘅嘢，孕育咗自己想做演員。」Kent哥於1976年，參加《聲寶片場》比賽贏得冠軍，並因而憑一紙合約贏得入行機會。惟當時任職珠寶首飾技工的Kent哥，需面對由2,000蚊月薪變成只有 400元基本月薪的問題。「當時我同媽講呢個合約我做唔好，我以後唔發呢個（演藝）夢，我媽話：『好呀，你去試吓吖。』我好感謝阿媽嘅支持，佢改變咗我一生。」曾兩奪金像獎影帝的Kent哥透露入行後，因參加節目《Bang Bang 咁嘅聲》，與同是影帝的周潤發結緣。「當時同發哥增進咗友誼，每一晚同佢傾4、5個鐘頭。講演技、講劇本、講個拍法，係好幾年都係咁，我覺得我嘅成長喺當時發生，耳濡目染咁慢慢吸收。」對發哥充滿感激之心的Kent哥哽咽說：「 我所得返嚟嘅嘢，真係要多謝發哥，佢係啟蒙我演戲嘅人。佢對我啟蒙咗之後，我做演員呢條路，起碼可以負擔到家庭，所以佢對我嚟講係個大恩人。」Kent哥早前接受《星光路上》訪問。他笑言自己入行全因貪慕虛榮。Kent哥感激發哥啟蒙，視對方為大恩人。#神耆小子#郑则仕萧正楠冼靖峰
【娛樂熱話】《神耆小子》花車巡遊振聲威
