林峯難忘康城之旅　開心帶香港電影給全世界觀眾

林峯難忘康城之旅　開心帶香港電影給全世界觀眾藝人林峯今天（31日）出席汽車活動，現場吸引了大批粉絲圍觀。剛從康城電影節回來的林峯表示感動的心情仍然停留在心裏面：「因為康城主辦單位同我哋講過一句說話到依家仲感動緊，佢話「我哋等咗你哋返嚟等咗好多年」，呢句好打動到我哋，好開心香港嘅電影可以喺國際電影節上面，帶到新作品畀全世界觀眾。」林峯新片大收旺場。談到電影《九龍城寨之圍城》前傳，林峯笑言根據電影角色，前傳的他應該還未出世，不過根據原作「四子」應該會再有後續：「應該仲會有新角色，同埋打到去銅鑼灣應該會再見到陳浩南，所以好期待，不過其實都未知安排，聽導演講，淨係劇本都諗咗年幾。」表示相信電影正在籌備當中，他需要開始操Fit身形。至於演唱會，林峯表示開騷期還未落實，希望今年會有機會，不過現階段最主要是找到合適的場地，又謂一定會照顧到香港地區，言一定會邀請「城寨」兄弟到演唱會：「佢哋一定要嚟，上去唱歌或者鍾意打下拳都得。」開心得笑逐顏開。林峯自言平時假期都會自己駕車載着太太和女兒郊遊周圍走，在內地工作的話就會約上一大班好友穿州過省，沿途吃點美食。林峯