詹天文唔想炎明熹離巢：驚將來好難再合作「聲夢小花」詹天文（Windy）今日（23日）出席「踢走賭癮」活動，現場有半百粉絲撐場。她將於7月20日偕無綫女團After Class 成員姚焯菲（Chantel）及鍾柔美（Yumi）假麥花臣場館舉行《音樂出沒 Let’s play together》演唱會，首場門票在正式開賣便全部售罄，不少粉粉絲跪求加場，Windy表示：「我都想加場，知有好多粉絲撲唔到飛，我有60%信心會加開。」談及After Class 成員炎明熹（Gigi）傳離開無綫，她說：「冇同公司了解，聽講話係同合約有關，不過都係傳聞啫，我近排都少同Gigi見面，我拍MV時，佢有留言叫我加油。」問到如Gigi真的離開無綫可感不捨？她直認和Gigi有5年友誼，正如同學要離校，一定會不捨得，所以：「希望佢唔好離開，否則將來好難再有合作機會。（女團After Class可會由4變3？）由公司安排，睇情況而定，不過依家都係傳聞啫，最後係點都冇人知。」詹天文都想演唱會加場。詹天文透露近排都少同炎明熹見面。詹天文（左）唔想炎明熹（中）離巢。After Class由4變3？詹天文炎明熹
詹天文唔想炎明熹離巢：驚將來好難再合作
