無綫視帝視后總動員飛上海　陳豪全家撐場惹水洩不通

無綫視帝視后總動員飛上海　陳豪全家撐場惹水洩不通無綫專注拓展內地市場，近日就喺上海舉行新一年嘅劇集宣傳，就搵嚟一眾視帝、視后總動員現身，當中就有陳豪、馬國明、陳展鵬、胡定欣、袁偉豪、陳山聰、譚俊彥、蔡潔同陳曉華等，眾人同一時間現身當地機場時，大批粉絲蜂擁而至，場面非常墟撼。馬國明現身上海機場。陳展鵬Nice爆打招呼。一行N人浩浩蕩蕩。好難得可以一次過見到咁多視帝、視后同埋小花。現場水洩不通。當中就以陳豪最為「給力」，因為佢帶同港姐冠軍老婆陳茵媺及三個仔女一齊飛，一家五口同步現身，陳豪就拖住兩個仔，陳茵媺則護實愛女，同框非常有愛。人氣極高嘅二人，沿路要邊行邊停低同粉絲合照，陳豪熱情回應態度親和，兩個仔仔企埋老竇身邊，被大讚帥氣陽光，餅印阿女就緊跟媽咪，同樣被讚甜美可愛，難怪路透照一出即被狂讚一家5口顏值滿分！當中以陳茵媺最受歡迎。陳豪一拖二，兩位公子被讚帥氣陽光。真係去到邊都畀粉絲圍。