吳若希爆粗公審老公乖乖道歉！盤點娛圈「犀利人妻」

吳若希爆粗公審老公乖乖道歉！盤點娛圈「犀利人妻」吳若希（Jinny）早排喺社交網公開同老公Alex嘅對話，喪插對方車女同事返工又話佢身有屎嬲到爆！其實Jinny婚後多次公開數臭老公，話自己試過離家出走亦試過掟爛晒屋企啲嘢，雖然性格火爆但Alex每次都會乖乖道歉，Jinny果然御夫有術！其實娛圈都有唔少「犀利人妻」。Jinny社交網狂開甫鬧爆老公！冇耐就透露Alex已經乖乖道歉。睇嚟Alex真係好聽老婆話喎。一代性感女神賈曉晨JJ除咗身材火辣，原來性格一樣火爆！近年周不時喺社交網數落老公樊少皇，話一日要諗50次離婚又話想離家出走，之前接受我哋獨家專訪仲狂呻樊少皇做咗提款機被呃幾百萬！不過見網民鬧樊少皇，JJ又會即刻大讚對方好顧家會努力賺錢，相信感情仍然好好。JJ性格同身材一樣唔惹少！耐唔耐就有婚變傳聞，嚇親唔少網民。不過JJ應該都係呻吓啫，冇事嘅！「紫霞仙子」朱茵樣勁甜畀人溫柔嘅感覺，不過就被老公黃貫中（Paul）大爆係屋企最惡，話自己同囡囡都好怕朱茵！佢哋一家三口曾經齊齊拍親子真人騷，朱茵仲喺節目入面直指老公唔識教女，真係唔完全唔畀面老公。不過大家都睇得出佢哋勁甜蜜，其實男女間相處唔係你食住我，就我食住你㗎啦！「紫霞仙子」超經典，以為朱茵肯定成個仙女咁勁溫柔！不過黃貫中就唔係咁講啦！朱茵上節目亦對老公唔客氣。其實相處開心就冇問題啦，一家三口超溫馨。吴若希