黃翠如佩服方力申的專業：真係好厲害無綫藝人黃翠如與方力申(小方)及攝製隊齊齊於巴黎為奧運進行採訪，今次翠如主要介紹奧運村、場館及周圍的旅遊資訊，一些奧運比賽的專業採訪則由小方及其他專業主持擔任。於開幕前夕，畏高的翠如因為要爬上鐵架上進行直播而爆喊，當時小方就「暖男」上身，不停安慰及鼓勵。連日來小方等人不用做比賽項目採訪時，都有跟翠如同行周圍拍攝，翠如接受東網獨家訪問時謂:「我覺得小方同其他主持都好叻，佢哋要識好多體育知識同做功課，先可以問到問題，體育傳媒要做即時訪問真係唔容易，大家都好厲害。」翠如又於場內偷拍小方坐埋一邊做功課時的相片，她謂:「佢當時喺度諗緊要問啲咩問題，我覺得佢好專業呀，非常佩服。」翠如當然亦有入場看某些比賽，香港隊江旻憓及何詩蓓比賽時她都有入場「觀戰」，翠如坦言:「真係好緊張，現場睇Vivian嘅劍擊比賽時，因為對手係法國主場，現場都主要係法國人，感受到Vivian嘅心理壓力，一路睇一路感受到佢心臟好強大，現場好多人一齊嗌法國隊，佢可以慢慢贏番真係好感動，所有人都大嗌。」黃翠如跟方力申等人合作愉快。黃翠如拿着傳媒證入場看比賽，感受緊張氣氛。黃翠如經常出埠拍攝，經驗甚多。與方力申開心合照。咁靚嘅風景當然要打卡。黃翠如偷拍方力申專業的一面，深感佩服。黄翠如方力申
黃翠如佩服方力申的專業：真係好厲害
