【明報即時】曾比特攜拍拖8年女友現身首映 為儲老婆本努力掙錢

【明報即時】曾比特攜拍拖8年女友現身首映 為儲老婆本努力掙錢 曾比特昨晚與女友鄧嘉宜（Cecilia）一同出席電影首映活動。（柯美攝）曾比特昨晚（8日）與女友鄧嘉宜（Cecilia）出席《邊緣禁地：沙丘喪戰》首映禮，他表示兩人相戀8年，已認定對方為結婚對象，但大家目前也想衝事業，未打算在關係上再進一步，努力掙多點錢後才結婚。曾比特說︰「擺酒都要錢，結婚一生人一次，無理由簡簡單單，一定要盛大舉行，搵個靚地方，筵開數十席。我哋會努力，盡快㗎喇﹗」Cecilia被問到會否跟隨男友北上工作時說︰「唔係成日跟，我喺香港都有工作。我哋兩年前一齊開咗間唱歌學校，通常佢返內地工作，我就留喺香港，因為佢入行後，佢啲學生會繼續嚟上堂，佢唔喺香港時，就由我代教。」Cecilia說她也有在不同地方唱歌，會否入行要視乎天時地利人和及運氣，總之不會放棄唱歌。曾比特不抗拒與女友一齊表演，但要看機會及公司意願。他說︰「情侶檔當然冇問題，但我有唱片公司，要問老闆。大家想睇，就集氣喇﹗」（即時娛樂）曾比特