炎明熹於TVB官網「被消失」 觸發離巢疑雲因離巢風波而遭無綫雪藏的「樂壇小天后」炎明熹（Gigi），早前雙方一直就合約條款拉鋸，更有絕密內容曝光指Gigi要求準時出糧等，亦有傳若佢決心離開娘家，起碼要捱多逾一年「雪藏期」。雖然依家雙方都未有公布續約事宜，不過有網友就留言到，TVB網頁藝人板塊有變動，當中就增加咗簽約歌手部分，炎明熹個名就「被消失」，似乎有傾唔掂數之疑。炎明熹一直未傾得掂合約問題，因而遭無綫雪藏。有網友發現TVB官網增加咗簽約歌手部分。入面有齊《聲夢傳奇》成員，就係唔見炎明熹個名。於藝人板塊可見，與炎明熹同期嘅大批《聲夢傳奇》歌手都有得留低，炎明熹身在嘅女團After Class成員姚焯菲（Chantel）、鍾柔美（Yumi）和詹天文（Windy）當然亦喺歌手列之中，令人聯想炎明熹有可能已經離巢。尋日（26日）少有見人嘅炎明熹亦上載睇唔到樣嘅唱歌片，佢就自爆前排病咗一直都冇唱歌，疑似暗示冇工開，如今佢再「現身」，翻唱湯令山嘅《緊急聯絡人》，唔知係咪有弦外之音呢？《聲夢2》成員都有喺度。炎明熹身在嘅女團After Class全體成員都喺度。最近After Class開騷都只係得3個。「被消失」好有離巢之嫌。翻唱《緊急聯絡人》係咪有咩意思？炎明熹
炎明熹於TVB官網「被消失」 觸發離巢疑雲
