岑麗香遭兒子整蠱　擺呢樣嘢上床嚇親

岑麗香遭兒子整蠱　擺呢樣嘢上床嚇親岑麗香在尖沙咀出席化妝品活動，她指兩個兒子最近開學後，自己可以多點me time，可以有時間扮靚和做喜歡的事。講到兩個兒子她指細仔樣貌似她，性格則似爸爸，大囝則剛好完全相反，樣貌似父親，性格似媽媽，但兩個兒子卻齊齊為傳了她的貪玩性格，香香笑說：「有次喺屋企上堂老師教昆蟲，佢哋就攞咗啲假曱甴掉喺我張床嗰度嚇我，真係畀佢嚇咗一跳。」岑麗香狀態大勇。近年專心相夫教子的香香預告年底將再拍劇，她說：「老公就OK咗，但係就未同小朋友講，到時要靠老公照顧小朋友，佢好勁，係一個超級爸爸，可以同時抱起佢兩個，我依家已經抱唔起佢哋兩個，由以前同佢哋騎牛牛，依家變成騎住條蛇咁。」香香指再拍劇首要是煲劇練好廣東話，與兒子也有用廣東話溝通但自嘲說：「我都有教佢哋，但我教得佢哋幾多，哈哈。」岑麗香預告年底將再拍劇。一家四口幸福滿瀉。岑丽香