陳曉華朱敏瀚傳秘戀逾年已築愛巢　年尾仲出埠結婚？

陳曉華朱敏瀚傳秘戀逾年已築愛巢　年尾仲出埠結婚？前港姐冠軍陳曉華（Hera）近年獲無綫力撐，先段參演重頭劇《巾幗梟雄之懸崖》、熱爆劇《新聞女王》等，去年至今已手持6套劇集，爆發演技贏盡讚賞，估唔到女神事業得意，愛情似乎同樣得心應手，有傳佢同爆肌男神朱敏瀚秘撻，二人更已拍拖超過一年，已經諗緊今年年年尾出埠結婚！陳曉華傳同朱敏瀚秘戀、同居，仲準備結婚？有指二人計劃年底想飛東南亞結婚。二人於2019年合作劇集《迷網》而認識，該劇就係陳曉華卸任港姐後嘅處女劇，據消息指兩人已拍拖逾年，為朝夕相對，亦已共築愛巢同居。同時又傳出，兩人近日仲互相見埋家長，去到談婚論嫁階段，雙方父母都喜上眉梢立即首肯，故兩小口都打鐵趁熱，計劃於年底飛東南亞結婚。東網就此事聯絡朱敏瀚好兄弟張振朗，問佢有冇聽過對方提結婚一事：「我唔知呀，冇聽過呢啲嘢，你哋問番佢啦。」收收埋埋拍咗拖一年？好兄弟張振朗（左）就唔敢多講，急急封口。陈晓华朱敏瀚