王菲親自送女升大學 李嫣得天后真傳成機場焦點天后王菲同愛女李嫣感情深厚，7月時李嫣疑似個人社交網晒唇腭裂手術照，令人擔心佢依家天生兔唇嘅修復狀態。不過尋晚（17日）網上流出有人喺機場偶遇到王菲送李嫣出國留學一幕，18歲李嫣個子高挑氣質好，更傳出佢已被倫敦大學錄取。李嫣受天生兔唇困擾，多次接受修復手術。一轉眼已經好番晒，可以搭飛機升大學。網友大讚佢打扮同天后媽咪昔日型Look有得揮。李嫣打扮時髦有型，神似媽媽王菲嘅清冷感。只見母女現身機場大廳，李嫣手術後狀態好，以一身黑色衫襯黑色帽，再配白色口罩，格外顯眼，穿著搭配深得王菲真傳，即被大讚係「妥妥的大美女」。反而媽咪王菲就行低調風格，鬆身Tee加牛仔褲，亦以口罩遮樣，同其他乘客一齊排隊，混入人群之中。王菲今次見人真係好低調。唔知幾時可以見到天后再露靚樣？王菲
王菲親自送女升大學 李嫣得天后真傳成機場焦點
