羅天宇大搞小食店生意擁9間分店　做老闆親自研發新雞蛋仔口味

羅天宇大搞小食店生意擁9間分店　做老闆親自研發新雞蛋仔口味羅天宇近年在深圳大搞小食店生意，賣香港特色小食雞蛋仔、燒賣等，已有9間分店，最近更做埋日式咖喱飯，一樣賣到開巷！今日（20/9）羅天宇出席活動接受《香港01》訪問時就透露新計劃，想回香港或其他城市開分店。羅天宇有份參演TVB新劇《金式森林》。（葉志明 攝）羅天宇透露最近在拍攝TVB新劇《金式森林》，亦接近煞科階段。他表示，劇中角色是一名珠寶世家的兒子之一，且生活相當多姿多彩。被問到是否如他現實一樣「多姿多彩」，他就直言：「我個人就專一啲。佢（角色）直到遇到一個女仔就開始定落嚟。」羅天宇表示小食店生意發展不錯。（葉志明 攝）談到小食店生意，羅天宇表示發展不錯。他說：「最近我哋喺西九做咗一次活動，都因應香港人口味去調節味道。都係要一路做一路學，唔同地方鍾意嘅嘢都唔一樣。」他分享道，最近研發了一個新口味，說：「我最近整咗個全黑色嘅黑芝麻雞蛋仔，入面仲可以加麻糬，我覺得打卡嚟講幾正，另外我哋仲推出咗咖哩飯，偏日式嘅，有豬有牛。我哋得一間分店有得食，就係旗艦店，喺龍華。」記者笑言，是不是去小食店說自己是羅天宇粉絲就有折？他又開玩笑道：「係呀，話識我可能有個八折。」羅天宇親力親為經營小食店生意。（葉志明 攝）罗天宇