【明報即時】周柏豪內地綜藝曬Rap功遭取笑 唔介意被保錡模仿：點會嬲佢？ 周柏豪不介意保錡拍片開玩笑。（林祖傑澳門直擊/資料圖片）王敏奕、周柏豪及鄭融今天（24日）到澳門擔任食肆開幕嘉賓。周柏豪表示早前忙於巡唱及綜藝節目，經常要四圍飛，問子女可有投訴？他笑說：「女兒都長大，差唔多5歲，投訴我應該要掙多啲錢，因為個女好鍾意買嘢，好似公主咁成日打扮，女兒要縱嘅，囝囝就要嚴一啲，不過佢哋都非常黐爸爸，一做完嘢我即刻返香港陪佢哋。」早前周柏豪在內地綜藝《我在橫店打籃球》突然表演Rap，不但被網民狠批，更被ERROR成員吳保錡拍片模仿「抽水」，周柏豪說：「Rap嗰幾句是以搞笑為主，搵我呢個唔識Rap嘅先有火花，當然尷尬啦，但我唔怕尷尬，能夠𧨾到大家笑，我願意去做，做藝人唔做『下耙位』，我會覺得好悶，打波有型咪得囉﹗」周柏豪指有見到保錡拍片模仿開玩笑，他說：「唔緊要啦！我識佢，大家都有共同朋友，佢之前都有攞我品牌啲衫着，如果要嬲，大把嘢可以嬲，點會嬲佢呢？佢都好似好叻，是比較嘻哈類別藝人。」（即時娛樂）周柏豪
【明報即時】周柏豪內地綜藝曬Rap功遭取笑 唔介意被保錡模仿：點會嬲佢？
