陳煒晒合照賀結婚兩周年　醫生老公面色差令人擔心

陳煒晒合照賀結婚兩周年　醫生老公面色差令人擔心藝人陳煒今年於無綫年報藝人排位登頂成一姐，氣勢好到爆嘅佢，原來一轉眼就同醫生老公陳國強（Aldous）結婚兩周年，仲大晒頭貼頭合照放閃，二人手執盛有香檳嘅玻璃杯，共留言：「2年前今晚，我說愛你50年不變，你說愛我50年+1天不變，所以依家仲有48年+1天哈哈哈…」另一張相就係老公送上紅玫瑰花束及一幅二人甜蜜卡通畫作。合照中陳煒皮膚白滑又紅潤，相反網友就發覺佢老公一面倦容，一對熊貓眼明顯，精神憔悴，面色帶黑，擔心佢健康會出事。大大紮玫瑰，冧爆！陳煒Keep得好，不過老公熊貓眼同面色帶黑都好令人擔心。陳煒轉發粉絲對佢結婚兩周年嘅祝福。「愛你50年不變」勁Sweet！陈炜